कालिकोट । अछामको तुर्माखाँदमा ईकोहिमाल नेपालले विद्यार्थीहरुलाई न्यानो कपडा वितरण गरेको छ । तुर्माखाँद गाउँपालिका–४ को सरस्वती आधारभुत बिद्यालयमा पढ्ने विद्यार्थीहरुलाई न्यानो कपडा विरतण गरेको हो । विद्यालयमा पढ्ने २६ जना दलित, विपन्न, असहाय अशक्त विद्यार्थीहरुलाई न्यानो कपडा वितरण गरीएको ईकोहिमालका कृषि प्राविधिक बिरेन्द्र चन्दले बताएका छन् ।
विद्यालय व्यवस्थापन समितिका अध्यक्ष लोकेन्द्र बहादुर साँउद र प्रधानाध्यापक कुम्भ वयकले स–साना विद्यार्थीहरुको लागि चिसो बढी रहेको बेला यसरी सहयोग गरेकोमा ईकोहिमाललाई धन्यवाद समेत दिए । जाडोको समयमा न्यानो कपडा पाएपछि विद्यार्थी खुशी भएका छन् ।
