पाँचथरमा विस्फोट हुदा १ जना बालिकाको मृत्यु

कालिकोट । पाँचथर जिल्लाको फालेलुङ गाउँपालिका वडा नम्बर ५ मा हिजो साँझ भएको विस्फोटमा परी १ जना बालिकाको मृत्यु भएको छ।विस्फोटक पदार्थ विस्फोट हुँदा घाइते भएका चार बालबालिका मध्ये २ वर्षीया प्रिन्सा साँवाको उपचारका क्रममा झापाको विएनसीअस्पताल लाँदै गर्दा बाटोमा मृत्यु भएको हो।विस्फोटमा परी ११ वर्षीय दिपशन साँवा गम्भीर घाइते छन । उनलाई पनि जिल्ला अस्पताल पाँचथरमा उपचार हुन नसकेर थप उपचारको लागि झापाको बी एण्ड सी अस्पतालमा रेफर गरिएको छ।त्यसैगरी ११ वर्षीय पबन राईको जिल्ला अस्पताल पाँचथरमा उपचार भइरहेको छ। ७ वर्षीय दिपशन राई सामान्य घाइते भएकाले स्थानीय स्वास्थ्य चौकी प्राङबुङमा उपचार भइरहेको जिल्ला प्रहरी कार्यालय पाँचथरले जनाएको छ।

 

error: Content is protected !!