कालिकोट । रेडियो तिला आवाज १०६.७ मेगाहर्जको आयोजनामा युवाहरु संग भेटघाट तथा चियापान कार्यक्रम सम्पन्न भएको छ । शनिबार कर्णाली प्रदेशको राजधानी बिरेन्द्रनगर सुर्खेतको होटेल सिप च्वाइसमा कालिकोट जिल्लाको शुभकालिका गाउँपालिकामा स्थाई घर भई व्यवसाय र अध्ययनको सिलसीलामा हाल सुर्खेतमा रहेका युवाहरुको उपस्थितीमा भेटघाट तथा चियापान कार्यक्रम आयोजना गरेको हो ।
चियापान कार्यक्रममा रेडियो तिला आवाजले स्थापना देखी अहीले सम्म गरेका विभिन्न गतिविधी साथै पछील्लो समय सुरु गरेको आत्मनिर्भरताको लागी कृषि क्रान्तिका विषयमा छलफल गरीएको थियो । चियापान कार्यक्रममा करीव ३५ जना युवाहरुको सहभागीता रहेको थियो ।
कार्यक्रममा सहभागी सम्पुर्ण युवाहरुले रेडियोले संचालन गर्ने सवै खाले अभियानमा सहयोग र सर्मथन गर्ने बताएका छन् । छलफलका क्रममा रेडियो तिला आवाजका प्रबन्धक बिरेन्द्र आचार्यले युवाहरुको सहयोग पाय नागरीक सम्पुर्ण समस्या समाधान गर्न र भ्रस्टचारका गतीविधी बाहीर ल्याउन आफु तयार हरेको बताएका छन् ।
