कालिकोट । स्वास्थ्यका लागी मसला वाली सम्बन्धि अन्तरक्रिया कार्यक्रम सम्पन्न भएको छ । इकोहिमाल नेपालको आयोजनामा बुधवार खाँडाचक्र नगरपालिका र महाबै गाउँपालिकामा संस्थाले संचालन गरीरहेको स्वास्थ्यका लागी मसला वाली कार्यक्रम सम्बन्धि अन्तरक्रिया कार्यक्रम आयोजना गरेको हो । महाबै गाउँपालिका उपाध्यक्ष दानसिंह सेजुवालको सभाअध्यक्षता, प्रमुख जिल्ला अधिकारी गणेश नेपालीको प्रमुख आतिथ्यता तथा जिल्ला स्थित सम्पुर्ण सरकारी तथा गैर सरकारी कार्यालयका प्रमुखहरु, राजनितिक दल, जनप्रतिनिधि, इकोहिमाल नेपालका कर्मचारीहरु, अगुवा कृषक लगाएतको उपस्थितिमा कार्यक्रम सम्पन्न भएको इकोहिमाल नेपालका कार्यक्रम अधिकृत जयकर्ण बुढाले बताएका छन् । आगामी दिनमा दुई वटै स्थानिय तहलाई मसला वाली पकेट क्षेत्र बनाइने भएकाले त्यसै अनुरुप सुझाव संकलन गर्ने उद्देश्येले अन्तरक्रिया कार्यक्रम आयोजना गरीएको कार्यक्रम अधिकृत बुढाले जानकारी दिएका छन् ।
