कालिकोट । मुगुको रारा तालमा पौडी खेल्ने क्रममा डुबेर हिजो एकजनाको मृत्यु भएको छ।रारा तालको पूर्वी भागमा पौडी खेल्ने क्रममा छायाँनाथ रारा नगरपालिका(५ का २१ वर्षीय शिशिरजङ रावलको डुबेर मृत्यु भएको प्रहरीले जनाएको छ।रावल रारा ताल किनारमा निर्माणाधीन साइकल लेनमा मजदुरी गर्थे। अरु चार साथीसँग घर फर्किने क्रममा तालको छेउमा पौडी खेल्दा उनको मृत्यु भएको उनका काका नरेन्द्र रावलले जानकारी दिएका छन्। रारा विमानस्थल र जिल्ला प्रहरी कार्यालयबाट थप प्रहरी टोली पुगी शव तालबाट निकालिएको हो।