कालिकोट । बैतडीमा बसमा सवार रहेका एक जना यात्रुको मृत्यु भएको छ। मृत्यु हुनेमा बैतडीको दशरथचन्द नगरपालिका ९ तिचौराका ४२ वर्षीय कृष्णानन्द जोशी रहेका छन्।महेन्द्रनगरबाट बैतडीका लागि छुटेको महाकाली यातायातको ना ४ ख ६३८४ नम्बरको बसमा कृष्णानन्द अत्तरियाबाट चढेका थिए।बसमा सवार जोशी पाटन पुग्दा बेहोस भएका र जिल्ला अस्पताल बैतडी पुर्याउँदा चिकित्सकले मृत घोषणा गरेका बैतडीका प्रहरी प्रवक्ता, प्रहरी निरीक्षक बलराम पाण्डेयले बताएका छन्।जोशी भारतबाट घर आउँदै गरेका बुझिएको छ। मृतकको शव पोष्टमार्टमका लागि जिल्ला अस्पतालमै राखिएको छ।