कालिकोट । भक्तपुरको दधिकोटमा मामाले योजना बनाएर भान्जाको घरबाट नाटकीय रुपले २ करोड रुपैयाँ लुटिएको खुलासा भएको छ।असार ४ गते भक्तपुर सूर्यविनायक नगरपालिका ४ दधिकोट बस्ने ३५ वर्षीय डिल्लीबहादुर राउतको घरबाट २ करोड रुपैयाँ लुटिएको बताईएको छ ।लुटपाटमा संलग्न चार जनालाई प्रहरीले पक्राउ गरी आज सार्वजनिक गरेको छ।पक्राउ पर्नेमा सिन्धुपाल्चोकको बाह्रबिसे नगरपालिका २ का ३० वर्षीय सुजन रसाईली, सिन्धुपाल्चोककै भोटेकोशी गाउँपालिका २ का वर्ष ३१ का भीमबहादुर तामाङ, सिन्धुपाल्चोक भोटेकोशी २ कै वर्ष ३८ का कृष्णबहादुर बोहरा र ओखलढुंगा मानेभञ्ज्याङ गाउँपालिका ३ का वर्ष ३६ का मुनाराज राई रहेको काठमाडौं उपत्यका अपराध अनुसन्धान कार्यालय प्रहरी वरिष्ठ उपरीक्षक सानुराम भट्टराईले जानकारी दिएका छन्।असार ४ गते दिउँसो १ बजेतिर उनीहरू राउतको घरमा सिबिआई प्रहरी भन्दै ३ जना पुगेका थिए। परिवारका सदस्यलाई नियन्त्रणमा लिएर दराजमा राखिएको २ करोड रुपैयाँ लिएर उनीहरू फरार भएका प्रहरी वरिष्ठ उपरीक्षक भट्टराईले बताएका छन्।
