कालिकोट । जिल्लाको महाबै गाउँपालिकाको ११ औं गाउँ सभा सम्पन्न भएको छ । सोमबार पालिकाका अध्यक्ष खेम बहादुर सिंह (भिजन)कोे सभाध्यक्षता साथै सम्पुर्ण सभा सदस्यहरुको उपस्थितिमा गाउँसभा सम्पन्न भएको हो । गाउँसभाले विभिन्न निति तथा कार्यक्रमहरु पास गरेको छ । गाउँ सभाको अवसरमा पालिका अन्तर्गतका सामुदायिक विद्यालयका प्रध्यानाध्यापकहरु मध्ये विद्यालय प्रती सधै नियमित सहभागी हुने दिपराज शाही उत्कृष्ट प्रध्यानाध्यापक को रुपमा र कक्षा ८ को परीक्षामा सवै भन्दा राम्रो अंक ल्याउन सफल बिद्यार्थीलाइ पनि सम्मानित गरेको छ । यस्तै गाउँपालिकाले आगामी आर्थिक वर्षको लागी ३३ करोड ९३ लाख १२ हजार ७ सय २४ रुपैया बजेटको सिमा निर्धारण गरेको छ ।
