कालिकोट । जिल्लाको शुभकालिका गाउँपालिकामा कर्मचारीले सर्वसाधारण माथी कुटपिट गरेका छन् । बिहिवार साँझ करीब १० वजे गाउँपालिकाको वडा नं ६ निवासि भिम प्रसाद आचार्यलाई होटेलमा खाना खाइ रहेका बेला गाउँपालिकाका लेखापाल कृष्ण रोकाया र पशुसेवा शाखामा कार्यरत ना.पा.स नविन शाहीले मदीरा सेवन गरी एक्कासी काँचको गिलासले प्रहार गरी सक्त घाइते बनाएका हुन । होटेल साहु दिर्घ शाहीका अनुसार खाना खाइ रहेका बेला एक्कासी आई दुवै जनाले काँचको गिलासले प्रहार गरेको बताए । जिल्ला प्रहरी कार्यालय कालिकोटका सुचना अधिकारी प्रकाश केसी कुटपिटमा संलग्न रोकाया र शाही दुवै जनालाई प्रहरीको नियन्त्रणमा मान्म ल्याउदै गरेको र पुगाएपछी घटनाको बारेमा थप जानकारी दिने बताए । घाइते भएका आचार्यलाई उपचारको लागी जिल्ला अस्पताल कालिकोट लगीएकोमा त्यहाँ उपचार सम्भव नहुने भएपछी अहीले थप उपचारको लागी कणाली प्रदेश अस्पताल सुर्खेत रिफर गरीएको सुचना अधिकारी केसीले जानकारी दिएका छन् । घाइतेको आँखा र टाउकोमा ठुलो चोट रहेको त्यहाँ उपचार सम्भव हनुने भएपछी रिफर गरीएको स्वास्थ्य सेवा कार्यालय कालिकोटका सुचना अधिकारी कटक महतले बताएका छन् । ना.प्रा.स नविन शाहीले यस अघि पनि गाउँपालिकाका प्राविधिक नन्द परेक उपाध्यायलाई इट्टा प्रहार गरी घाइते बनाएका थिए ।