कालिकोट । आईसीसी टी–२० विश्वकपमा बङ्ग्लादेश र इंग्ल्याण्ड विजयी भएका छन्।बंगलादेशले नेदरल्याण्ड्सलाई २५ रनले पराजित गरेको हो। बङ्गलादेशले दिएको १ सय ६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १ सय ३४ रन मात्र बनाउन सक्यो।नेदरल्याण्ड्सका लागि एनगेलब्रेक्टले सर्वाधिक ३३ रन बनाए। बङ्ग्लादेशका होसेनले ३ विकेट लिए। त्यसअघि सेन्ट भिन्सेन्टमा टस गरेर पहिला ब्याटिङ गरेको बङ्ग्लादेशले निर्धारित २० ओभरमा ५ विकेट गुमाएर १ सय ५९ रन बनाएको थियो।उसका शाकिब अल हसनले सर्वाधिक ६४ रन बनाए। नेदरल्याण्ड्सका आर्यन दत्त र पल भ्यान मिकरनले २–२ विकेट लिए।जितपछि नेपाल रहेको समूह ‘डी’ को बङ्ग्लादेश ३ खेलमा ४ अङ्कसहित दोस्रो स्थानमा छ। नेदरल्याण्ड्सको ३ खेलमा २ अङ्क रहेको छ। नेपालको २ खेलमा १ अङ्क रहेको छ। बङ्ग्लादेशको जित पछि श्रीलङ्का एक खेल अगावै प्रतियोगिताबाट बाहिरिएको छ।
