कालिकोट । राष्ट्रपति रामचन्द्र पौडेल स्वीट्जरल्याण्ड र जर्मनीको भ्रमणका क्रममा कतारको राजधानी दोहा पुगेका छन् । राष्ट्रपति रामचन्द्र पौडेललाई नेपाली राजदूत नरेश विक्रम ढकाललगायतदूतावासका कर्मचारीले स्वागत गरेका छन्। राष्ट्रपति पौडेल बुधबार जेनेभा प्रस्थान गर्ने राष्ट्रपतिका प्रेस सल्लाहकार किरण पोखरेलले बताएका छन् ।अन्तर्राष्ट्रिय श्रम संगठनको आयोजनामा हुने अन्तर्राष्ट्रिय श्रम सम्मेलनको ११२ औँ उच्चस्तरीय सत्रमा आयोजना हुने ‘सामाजिक न्यायका लागि विश्वव्यापी गठबन्धन’ ग्लोबल कोलिसन फर सोशल जस्टिस्को उदघाटन मञ्चमा प्रमुख वक्ताका रूपमा सम्बोधन गर्ने कार्यक्रम रहेको छ ।उनले जेठ ३१ गते सामाजिक न्यायका लागि विश्वव्यापी गठबन्धनको उद्घाटन मञ्चलाई सम्बोधन गर्नेछन्। सामाजिक न्यायका लागि विश्वव्यापी गठबन्धनको त्यही दिन राष्ट्रपति पौडेलसँग आईएलओका महानिर्देशक गिल्बर्ट एफ होग्ङबोसँग शिष्टाचार भेट गर्ने कार्यक्रम तय भएको छ ।
