कालिकोट । भारतको उत्तराखण्डको सहस्त्रताल आरोहणमा गएको कर्णाटकका २२ जना मध्ये नौ जना पदयात्रीको खराब मौसमका कारण ज्यान गएको छ । उत्तराखण्डको स्टेट डिजास्टर रेस्पोन्स फोर्स ले हिजो शुरुमा पाँच वटा शव फेला पारेको थियो भने घटनास्थलबाट पछि थप चार शव फेला पारेको हो ।मृतकहरू सबै कर्णाटकको बेङ्गलुरुका थिए । उत्तराखण्ड प्रहरीले सहस्त्रताल मार्गमा फसेका पदायात्रीहरूको खोजीका लागि उद्धार कार्य पूरा भएको बताएको छ ।