कालिकोट । सिन्धुलीको खुरकोट नजिकै बर्दिबासबाट काठमाडौँ आउँदै गरेको बस दुर्घटना ग्रस्त भएको छ। बस घरको छत र भित्तामा ठोक्किन पुगेको बताईएको छ।बसमा २८ जना सवार रहेका र ती मध्ये अहिलेसम्म १५ जनाको उद्धार गरिएको सिन्धुलीका प्रहरी निरीक्षक केशव कटुवालले बताएका छन्।१५ जना घाइते रहेका र उनीहरु मध्ये १२ जनाको स्थानीय अस्पतालमा उपचार भइरहेको छ। तीन जनालाई उपचारका लागि काठमाडौँ पठाइएको उनले बताए।एउटा बैंकका कर्मचारी चढेको बस दुर्घटनामा भएको बुझिएको छ। अहिले उद्धार कार्य जारी रहेकाले विस्तृत विवरण आउन बाँकी रहेको प्रहरीले जनाएको छ।