कालिकोट । जिल्लाको महाबै गाउँपालिकामा १७ औँ गणतन्त्र दिवसको अवसरमा वृक्षारोपण कार्यक्रम गरिएको छ । गाउँपालिकाका अध्यक्ष खेम बहादुर सिंह(भिजन),उपाध्यक्ष दान सिंह सेजुवाल, विभिन्न शाखाका कर्मचारी लगाएतको उपस्थितिमा गाउँपालिका परिसरमा गणतन्त्र दिवस २०८१ को अवसरमा वृक्षारोपण गरिएको हो । गाउँपालिका अध्यक्ष खेम बहादुर सिंह(भिजन)ले हरियाली बढाउन र विकास तथा समृद्धिका लागि वृक्षारोपण गरेको बताउनुभयो । साथै गणतन्त्र दिवसकै अवसरमा गाउँपालिकाले १० वर्षे जनयुद्धका महान शहीदहरुका परिवारलाई सम्मान समेत गरेको छ ।