कालिकोट । जुवातास खेलेको आरोपमा काठमाडौंबाट २२ जना पक्राउ परेका छन् । काठमाडौं महानगरपालिका वडा नं २६ मित्रनगरस्थित धादिङ गंगा जमुना गाउँपालिका वडा ६ घर भएकी ३२ वर्षीया सरस्वती गुरुङको गुरुङसेनी गेष्ट हाउसबाट ७ जनालाई प्रहरीले पक्राउ गरेको छ । यसैगरी गोकर्णेश्वर नगरपालिका वडा नं ४ माकलबारी बस्ने देबराज गिरीको घरमा जुवातास खेलिरहेको अवस्थामा मोरङ केराबारी घर भई काठमाडौं कपन बस्ने ३८ वर्षीया बिष्णू लिम्बु समेत १५ जनालाई गएराति प्रहरीले पक्राउ गरेको छ । प्रहरी वृत्त बौद्धबाट खटिएको प्रहरीले उनीहरूलाई नगद २ लाख २३ हजार १ सय रूपैयाँ र ३ बुक ताससहित पक्राउ गरेको हो ।
