कालिकोट । खाँडाचक्र नगरपालिकाको वडा नं ३ ताडीमा ९० दिने होजीयारी तालिमको आज समापन गरीएको छ । खाँडाचक्र नगरपालिकाको आर्थिक सहयोग तथा कालिका झोला बुनाई उद्योगको आयोजनामा गएको माघ १६ गतेबाट ९० दिने होजीयारी तालिम संचालन गरीएको थियो । शनिवार कालिका झोला बुनाई उद्योगका संचालक कृष्ण पाण्डेको सभाअध्यक्षता, नगरपालिकाका उप–प्रमुख गणेश बहादुर शाहीको प्रमुख आतिथ्यता, निमित्त प्रमुख प्रशासकीय अधिकृत अविराज शाही, वडा नं ३ का वडा अध्यक्ष दधिराम पाण्डे, प्रशिक्षक, पत्रकार, राजनितिदलका प्रमुख स्थानियवासी, नगरपालिकाको सम्पुर्ण वडाका प्रशिक्षार्थीहरु लगाएतको उपस्थितिमा तालिम समापन गरीएको हो । तालिममा सुईटर, टोपी, मोजा लगाएतका अन्य सामाग्री बुन्न सिकाईएको थियो । सिप सिकेर स्वरोजगार बन्न र आफ्नो जिवन निर्वाह गर्न मदत पुगाउने उदश्येले उक्त तालिम आयोजना गरीएको बताईएको छ ।