कालिकोट । एसिसी प्रिमियर कप टी–२० क्रिकेटको तेस्रो स्थानका लागि हङकङविरूद्ध ब्याटिङ गरिरहेको नेपालले तेस्रो विकेट गुमाएको छ। ओपनर आशिफ शेख पाँचौं ओभरको पाँचौं बलमा आउट भएका हुन्। उनी पनि पनि आयुष शुक्लाकै बलमा कप्तान निजाकत खानले क्याच आउट गरेका हुन्। योसँगै नेपालका दुवै ओपनर आउट भएका छन् । ओपनर कुशल भूर्तेल दोस्रो बलमै आयुष शुक्लाको बलमा जिशन अलीबाट क्याच आउट हुन पुगेका थिए। त्यसपछि ब्याटिङमा आएका सोमपाल कामी पनि ७ बल खेलेर आउट भए। तेस्रो ओभरको तेस्रो ओभरमा आउट हुनुअघि सोमपालले १२ रन बनाएका थिए। त्यसक्रममा उनले २ चौका हाने। आशिफको विकेटपछि सन्दीप जोरा ब्याटिङमा आएका छन्। नेपाल सात ओभरमा ४४ रन बनाएर खेलिरहेको छ।
