कालिकोट । आज महाशिवरात्रि पर्व देशभरका शिवालयहरुमा दर्शन गरी मनाइँदै छ । महाशिवरात्रिमा महादेव शिव भगवानको पूजा–आराधना गरी मनाइने गरीन्छ । हिन्दु धर्मावलम्बीहरु आज बिहानैदेखि नदी र कुण्डमा स्नान गरी शिवालयमा गई श्रद्धाभक्तिपूर्वक पूजा–आराधना गर्ने गर्दछन् । शिवको पूजा गर्नेहरुको बिहानैदेखि काठमाडौंको पशुपतिनाथ, ललितपुरको कुम्भेश्वर, भक्तपुरको डोलेश्वर लगायतका मन्दिरहरुमा दर्शनार्थीहरुको घुइँचो छ । आज भक्तजनहरु व्रत बस्ने र भगवान् शिवको प्रिय वस्तु दूध, धतुरो र बेलपत्र चढाएर पूजा गर्ने गर्छन् ।