कालिकोट । डडेलधुरा (भीमदत्त) राजमार्गअन्तर्गत कैलालीको भासुभिर सडक खण्डमा विस्फोट हुँदा चार जना घाइते भएका छन्। हिजो साँझ सडक मर्मतसम्भारको काम हुँदै गर्दा विस्फोट भएर एस्काभेटरका चालक डडेलधुराको आलिताल गाउँपालिकाका २४ वर्षीय विकास थापा, कैलालीको चुरे गाउँपालिकाका ४५ वर्षीय वसन्त खड्का, सुर्खेत घर भई कञ्चनपुर बस्दै आएका रोलर अपरेटर २२ वर्षीय हीरा थापा र विराटनगर घर भई कञ्चनपुर बस्दै आएका ३५ वर्षीय नवीन देव घाइते भएका छन्। जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डिएसपी) कुलदीप चन्दका अनुसार एक्स्काभेटरबाट सडक फराकिलो बनाउने काम भइरहँदा अचानक विस्फोट भएको बताईएको छ ।
