दैलेख । दैलेख प्रहरीले बालिका बलात्कारको आरोपमा एक जनालाई पक्राउ गरेको छ। पक्राउ पर्नेमा नारायण नगरपालिका–८ का ४९ वर्षीय वीरेन्द्रबहादुर बस्नेत रहेका छन्।माघ २० गते १२ वर्षीय बालिकालाई जबरजस्ती करणी गरेको आरोपमा बस्नेतलाई पक्राउ गरिएको जिल्ला प्रहरी कार्यालय दैलेखका प्रहरी प्रमुख किशोर लम्सालले बताए।पीडित परिवारले किटानी जाहेरी दिए लगतै उनलाई पक्राउ गरी दैलेख जिल्ला अदालतबाट ७ दिनको म्याद थप गरी अनुसन्धान भइरहेको प्रहरी प्रमुख लम्सालले बताए।घटना लगत्तै प्रहरीले बालिका बलात्कार भएको स्थानका प्रमाणहरू सङ्कलन गरी बालिकाको स्वास्थ्य जाँचसमेत गरेको र अन्य थप अनुसन्धान भइरहेको प्रहरीले जनाएको छ।
थाहा खबर बाट साभार