कालिकोट । क्रोएसिया पठाइदिन्छु भन्दै प्रलोभन देखाएर ठगी गर्ने एकजनालाई प्रहरीले पक्राउ गरेको छ। पक्राउ पर्नेमा ३५ वर्षीय विशाल श्रेष्ठ रहेका छन् । उपत्यका अपराध अनुसन्धान कार्यालय मीनभवनबाट खटिएको प्रहरी टोलीले उनलाई बागबजारबाट मंगलबार दिउँसो पक्राउ गरेको बताईएको छ ।वसन्तपुर बस्ने श्रेष्ठले एलिना पाख्रिनलाई वैदेशिक रोजगारीको लागि क्रोएसिया पठाइदिन्छु त्यसको लागि सात लाख पचास हजार रुपैयाँ लाग्छ भनेर प्रलोभन देखाई ठगी गरेका हुन।क्रोएसिया पुगेपछि प्रतिष्ठित होटलमा काम मिल्ने र मासिक सत्तरी हजार तलब हुन्छ भनी उनले विश्वास दिलाएर पीडितबाट पटक(पटक एक लाख चार हजार रुपैयाँ लिएका थिए।
