प्रधानमन्त्री कपमा आर्मीको फराकिलो जित ,मधेश पराजित

Chennai: Chennai Super Kings captain MS Dhoni during the IPL 2023 cricket match between Chennai Super Kings and Lucknow Super Giants, at M. A. Chidambaram Stadium, in Chennai, Monday, April 3, 2023. (PTI Photo/R Senthil Kumar)(PTI04_03_2023_000319B)

 

कालिकोट । प्रधानमन्त्री कप एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले मधेशमाथि १२६ रनको फराकिलो जित निकालेको छ ।त्रिवि क्रिकेट मैदान कीर्तिपुरमा टस हारेर ब्याटिङको निम्तो पाएको त्रिभुवन आर्मीले निर्धारित ५० ओभरमा अलआउट हुँदै ३२० रन बनाएको थियो ।आर्मीका लागि कप्तान विनोद भण्डारीले ९३ बलमा ९ चौका र ६ छक्का सहित ११३ रन बनाएका छन् ।ओपनर इमरान शेख २६ तथा अर्का ओपनर सन्तोष कार्की ४२ रनमा आउट भएका छन् । कुशल मल्ल र विवेक यादवले सामान ३७ रन बनाएका छन् ।मधेशका लागि रञ्जित कुमारले सर्वाधिक ५ विकेट लिएका छन् । विशाल पटेलले २ विकेट लिँदा रुपेश सिंह र राजेश यादवले समान १ विकेट लिएका छन् ।आर्मीले दिएको ३२१ रनको लक्ष्य पछ्याएको मधेश ४८.३ ओभरमा १९४ रनमा अलआउट भयो । मधेशका लागि पवन सराफले सर्वाधिक ६५ रन बनाएका छन् भने उनले ३ बलमा ७ चौका र ३ छक्का प्रहार गरेका छन्।ओपनर मयन यादवले ३४ रन बनाए । अर्का ओपनर अनिल शाहले १२ रन बनाए त्यस्तै रुपेश सिंहले १, विशाल पटेलले १७ रन बनाएका थिय । राजेश यादव ३२ रनमा अविजित भएका हुन् ।आर्मीका लागि साहब आलमले सर्वाधिक ४ विकेट लिएका छन् । सोमपाल कामीले २ विकेट , जितेन्द्र मुखिया र कुशल मल्लले १– १ विकेट लिएका छन् ।पहिलो खेलमा कोशीमाथि ७ विकेटको जित हात पारेको मधेशको यो पहिलो हार हो भने आर्मीले पहिलो खेल नै जितेको बताईएको छ ।