कालिकोट । स्याङ्जाको कालीगण्डकी गाउँपालिकामा(१ कारिकोटमा १ लाखभन्दा बढी पुरस्कार राशिको भलिबल प्रतियोगिता हुने भएको छ।कारिकोट स्पोर्टस् क्लबको आयोजनामा पालिकास्तरीय दोस्रो वडाध्यक्ष कप पुरुष तथा महिला भलिबल प्रतियोगिता हुने बताईएको छ । माघे संक्रान्तिको अवसर पारेर हुने प्रतियोगिता स्याङ्जा, पाल्पा, गुल्मीस्थित तीनमुखे पुल नजिकै धगौटी बगरमा सञ्चालन हुने भएको छ।प्रतियोगितामा प्रथम हुनेलाई १ लाख ११ हजार १११ रुपैयाँ नगद पुरस्कार प्रदान गरिने भएको छ भने दोस्रो हुनेले ६६ हजार ६६६, तेस्रो हुनेले ३३ हजार ३३३ र सान्त्वना हुनेले १७ हजार ७७७ रुपैयाँ नगद पुरस्कार प्राप्त गर्ने भएका छन्। यसैगरी शिल्ड, मेडल र प्रमाणपत्र समेत प्राप्त गर्ने क्लबका अध्यक्ष मणिकलाल श्रेष्ठले बताएका छन्।उनका अनुसार महिलातर्फ प्रथम, दोस्रो, तेस्रो र सान्त्वना हुनेले क्रमशः ३० हजार, २० हजार, १० हजार नगदसहित शिल्ड‚ मेडल र प्रमाणपत्र प्राप्त गर्नेछन्।प्रतियोगिता आगामी माघ १ देखि ५ गतेसम्म हुने जनाईएको छ।
