कालिकोट । नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले आफ्नो पार्टीलाई सिध्याउन नेकपा एमाले अध्यक्ष केपी शर्मा ओलीले षड्यन्त्र गरिरहेको आरोप लगाएका छन्।अध्यक्ष नेपालले आफ्नो पार्टी र पार्टी सामेल भएको गठबन्धनलाई ओलीले सिध्याउन खोजिरहेको आरोप लगाउँदै त्यस्ता षड्यन्त्रलाई साथ दिनेहरु क्रान्तिकारी हुनै नसक्ने दावी गरेका छन्।पार्टीनिकट नेपाल भूतपूर्व सैनिक तथा प्रहरी संगठन (समाजवादी) ले आज काठमाडौँमा आयोजना गरेको कार्यक्रममा उनले गठबन्धनको भर परेर अघि नबढ्न पनि पार्टीका नेता तथा कार्यकर्ताहरुलाई निर्देशन समेत दिएका छन् ।अध्यक्ष नेपालले प्रतिगामी शक्तिहरुले चलखेल गरिरहेको जिकिर गर्दै त्यसविरुद्ध पनि जुध्नुपर्ने वेला आएको बताएका छन्