राष्ट्रिय सभा निर्वाचनमा उजुरी परेका दुई जना उम्मेदवारको छानबिन आज र भोलि हुने

कालिकोट । राष्ट्रिय सभा सदस्य निर्वाचनअन्तर्गत बुधबार र बिहीबार दाबीविरोध र उजुरीउपर छानबिन हुने भएको छ। सोमबार मनोनयन दर्ता गरेका उम्मेदवार विरुद्ध मंगलबार परेका दाबीविरोध र उजुरीमाथि दुई दिन छानबिन गर्ने निर्वाचन आयोगको कार्यतालिका रहेको बताईएको छ।उम्मेदवारी परेका दुईजनाविरुद्ध उजुरी परेको छ। सुदूरपश्चिम प्रदेशमा कांग्रेसका तर्फबाट अपांगता समूहबाट उमेदवारी दिएका नारायणदत्त भट्ट र कर्णाली प्रदेशमा माओवादी केन्द्रका दलित समूहका उम्मेदवार विष्णु विकविरुद्ध उजुरी परेको निर्वाचन आयोगले जनाएको छ।भट्टविरुद्ध अपांगतासम्बन्धी प्रमाण नपुगेको भन्दै एमालेका उम्मेदवार रामचन्द्र जोशीले उजुरी दिएका छन्। विकविरुद्ध एमालेकै उम्मेदवार हिक्मत विकले प्रतिनिधिसभा सदस्यको बन्दसूचीमा नाम भएको भन्दै उजुरी हालेका छन्।निर्वाचन आयोगको कार्यतालिकाअनुसार उजुरीविरुद्ध जाँचबुझ गरी बिहीबार उमेदवारको नामावली प्रकाशन हुनेछ भने शुक्रबार नाम फिर्ता लिन चाहने उम्मेदवारको नाम फिर्ता र उमेदवारको अन्तिम नामावली प्रकाशन हुने भएको छ।

 

error: Content is protected !!