गृहमन्त्रीको राजीनामा माग्दै दैलेखमा प्रदर्शन

 

कालिकोट । दैलेखमा गृहमन्त्री नारायणकाजी श्रेष्ठको राजीनामा माग गरिएको छ। शुक्रवार ललितपुरको बालकुमारीमा प्रहरीको कुटाइबाट दैलेख र अछामका गरी दुईजना युवाको मृत्यु भएको भन्दै यहाँका युवाहरूले गृहमन्त्री श्रेष्ठको राजीनामा माग गरेका हुन्।आज दैलेख बजारमा हत्याविरुद्ध उत्रिएका युवाहरूले हत्यारा सरकार चाहिँदैन, जनता मार्न पाइँदैन’ भन्दै विरोध प्रदर्शन गरेका थिए। युवाहरूले हत्यारालाई तत्काल कारबाही गर्नुपर्ने माग राखेका छन्।युवाहरूले अहिलेको सरकार जनताको समस्या समाधानभन्दा पनि सुन तस्कर लगायतका भ्रष्टाचारी जोगाउने काममा लागेको बताएका छन्। उनीहरूले गृहमन्त्रीले राजीनामा नदिएसम्म आन्दोलनका कार्यक्रम नरोकिने बताएका छन्।