भुटानी शरणार्थी नेता रिजाल रिहा ।

कालिकोट । भुटानी शरणार्थी नेता टेकनाथ रिजाल रिहा भएका छन्। ७ महिना हिरासतमा बसेका रिजाल आज रिहा भएका हुन्। उच्च अदालत पाटनको आदेशमा केन्दीय कारागार कार्यालय जगन्नाथदेवल सुन्धाराले रिजाललाई धरौटी बुझाएपछि रिहा गरेको बताईएको छ । अदालतले १५ लाख रुपैयाँ धरौटी लिएर रिहा गर्न आदेश दिएको थियो । काठमाडौं जिल्ला अदालतमा गत पौष ८ गते ९आइतवार० बेलुकी धरौटी रकम बुझाएका रिजाल आज रिहा भएका हुन । रिजालले रिहा हुनुअघि सम्पत्ति शुद्धीकरण विभाग र अख्तियार दुरुपयोग अनुसन्धान आयोगमा बयान दिएका थिए । रिजाललाई स्वागत गर्न मानवअधिकारवादीहरूको टोली अख्तियार दुरुपयोग अनुसन्धान आयोगमै पुगेको थियो। रिजालको रिहाइका लागि परिवारले धरौटी रकम जुटाएको हो। क्यानडामा रहेका छोरा विक्रमले बुबाको रिहाइका लागि नेपालमा रकम पठाएका थिए।

error: Content is protected !!