कालिकोट । डोल्पामा लडेर एक जनाको मृत्यु भएको छ।दुनै सदरमुकामदेखि नजिकै रहेको तिप्ला गाउँमा गएराति करिब साढे ८ बजे भिरालो बाटोबाट खसेर एक जनाको मृत्यु भएको जिल्ला प्रहरी कार्यालय डोल्पाका डीएसपी शिव बुढाथोकीले जानकारी दिनु भएको छ ।नेपालगन्ज उपमहानगरपालिका वडा नम्बर १६ स्थायी घर भई हाल डोल्पाको सदरमुकाममा बस्दै आएका २८ वर्षीय काबिर अन्सारीको मृत्यु भएको बुढाथोकीले बताउनु भयो। अन्सारी दुनै र आसपासका गाउँघरमा सिकर्मीको काम गर्दै आएको प्रारम्भिक अनुसन्धानका क्रममा खुलेको जिल्ला प्रहरी कार्यालय डोल्पाले जनाएको छ।