चार सयभन्दा बढी माध्यमिक शिक्षक आयोगको माग

कालिकोट । शिक्षक सेवा आयोगले माध्यमिक तहका शिक्षक माग गरेको छ। गोरखापत्रमा सूचना प्रकाशन गर्दै आयोगले आवेदन माग गरेको बताईएको छ।शिक्षकको विज्ञापन प्रदेशगत रुपमा माग गरिएको आयोगले बताएको छ। आयोगका अध्यक्ष मधुप्रसाद रेग्मीले बिहान कार्यालय समय खुलेसँगै माग संख्या र कुन प्रदेशमा कति माग भएको छ भन्ने थाहा हुने भयो। उनका अनुसार ४ सय भन्दा धेरै माध्यमिक शिक्षक मागिएको हो।माध्यमिक शिक्षकमा दरखास्त दिन नेपाली, सामाजिक, अर्थशास्त्र र संस्कृत विषयमा आवदेन फारम भर्नेले सम्बन्धित विषयमा स्नातक उतीर्ण गरी शिक्षा विषयमा कम्तीमा १० महिनाको तालिम लिएको हुनुपर्नेछ भनेअंग्रेजी, गणित, विज्ञान, कार्यालय सञ्चालन तथा लेखा र कम्प्युटर विज्ञानमा फारम भर्न चाहनेले भने शिक्षा विषयको तालिम नलिए पनि दरखास्त दिन सक्ने भएका छन्।