बुटवल । रुपन्देहीमा स्कुटर चोरीको आरोपमा एक जना पक्राउ परेका छन् । पक्राउ पर्नेमा नवलपरासी प्रतापपुर गाउँपालिका वडा नं.२ बस्ने २६ वर्षीय खिरी नारायण थारु रहेका छन् । थारुले रुपन्देही शुद्धोधन गाउँपालिका वडा नं २ कलुवा स्थित कृष्ण बहादुर खत्रीको घरमा पार्किङ गरी राखेको लु४२प ५९५२ नम्बरको स्कुटर चोरेको प्रहरीले जनाएको छ ।मंगलबार चोरी गरी रुपन्देही देवदह नगरपालिका ५ खैरेनीबाट नवलपरासीतर्फ लैजाँदै गर्दा स्कुटरसहित चौधरीलाई पक्राउ गरिएको जिल्ला प्रहरी कार्यालय रुपन्देहीले जनाएको छ ।थारुविरुद्ध चोरी सम्बन्धी कसुर शीर्षकमा मुद्दा दर्ता गरी थप अनुसन्धान भइरहेको प्रहरीले जनाएको छ ।